دمعة العدرا
مشرفه
التسجيل : 23/12/2009
المساهمات : 139
نقاط : 251
 |  موضوع: مالك ياست الكل فى وقفة الشموع بالكتدرائيه لشهداء ليلة العيد  2010-03-17, 14:16 | |
| مالك يا ست الكل
مالك ياست الكل دمعك عالخدود
ماتقوى قلبك ده انتى ادها وادود
عايزك تحسى بتعزيه وانسى الحجات المؤذيه
وافتكرى دايما ياغاليه ربنا موجود
ماتدمعيش وبلاش يامى تعيطى
يوم الاربعين روحى الكنيسه وزغرطى
وخيطى يا امه القميص اللى اتقطع
لما دخل فيه الرصاص
لو دمى كان عامل بقع
ابقى اغسليه بحبة بطاس
ونضفيه يا امه خلاص من كل بقع الدم
ورينى ضحكتك الجميله .بلاش تشيلى الهم
ازاى ياامى تكشرى وانا فهنا وسعيد
طب تعرفى عند المسيح انا اتحسبت شهيد
مش هم قتلونى وانا مصلى صلاة العيد
وعلى لبس جديد وفجوفى قلب جديد
طب تعرفى لما افتكر واسترجع الاحداث
باحس انى طلعت فوق عند المسيح
ويا ملاك الذبيحه فاخر القداس
بتقولى ايه ؟
قتلونى من غير لاجريمه ولا سبب
شامم يامى فى لهجتك ريحة غضب
بلاش غضب
ده انتى علمتينى قلبى يبقى ابيض
زى قلب عود القصب
اه صحيح عملتوا ايه فى عيد الغطاس
خلصتوا كام لبشة قصب وطعمه ايه القلقاس ؟
مالك كده بتتنهدى ؟
اياك مكنش ليكى نفس تعيدى !
لا عيدى
وافتكرى ان ابنك شهيد .....
ومتخفيش
انا مش رخيص
ودمى مش هيروح فطيس
بس خلى الامر ده على ربنا
ما احنا اولاد الملك
ولاننا اولاد الملك ما بننتقمشى لنفسنا
انا بس عايز اقول لكوا
انى بجد بحبكوا
ولو حقيقى وحشتكوا
تبتوا فى ايدين يسوع
وكفايه فى الارض اتحرمت من حنانكوا وحضنكوا
بلاش تروحوا حته تانيه . وابقى شايفكم وتشفونى
وشئ حايشنى عنكوا
مااقدرش اجلكم او تجولى لا توصلوا لى ولا انا هااوصل لكوا
تبتوا فى ايدين يسوع
ماتخلونيش هنا فى السما افضل اعيش وانا برده محروم منكوا
بحبكم بحبكم
[ندعوك للتسجيل في المنتدى أو التعريف بنفسك لمعاينة هذه الصورة] | |
|
