الرئيسيةالرئيسيهس .و .جبحـثقائمة الاعضاءالتسجيلدخول

شاطر | 
 

 صوت يسوع ليك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gena jesus
عضو جديد
عضو جديد


التسجيل : 01/01/2010
المساهمات : 31
نقاط : 64

مُساهمةموضوع: صوت يسوع ليك   2010-07-06, 16:29

فجأة ..


سمعت صوت ربنا بيقوللى:


القطة


.. قلتله: مالها القطة يارب ؟ ..


قاللى: إيه رأيك فيها ؟ كائن ضعيف ولا قوى ؟ قلت له: دى كائن ضعيف أوى يارب ..

قاللى: طب واللى بيحاول ييجي ناحية ولادها بتعمل فيه إيه ؟

قلت له باستغراب جامد م الموضوع اللى بيكلمنى فيه: بتعمل فيه إيه ..


دى بتاكله أكل


وإنتظرت إن ربنا يسترسل فى الكلام لكن سكت


.. وقتها بس وصلتنى الرسالة اللى كان عايز يقولهالى .. وحسيت إنى عايز الأرض تنشق وتبلعنى

لأنى إكتشفت قد إيه أنا بكسرقلبه لما باشك فى حمايته ليا .. ولما باشك فى أمانته
ولاد ربنا مش متسابين ملطشة للظروف تعمل فيهم اللى على مزاجها .. لأ .. هيه مش سايبه ..

ولا هوه مولد وصاحبه غايب .. ده صاحبه موجود ومتحكم حتى فى أتفه الأمور

أوعى تخلى ظروف الناس اللىحواليك تخوفك من ربنا ..

ولا تشكك فى محبته وصلاحه .. مالك أنت ومال إمتحان اللى جنبك ؟!

خليك فى إمتحانك أنت .. ماتقارنش إمتحان شخص بإمتحان شخص تانى
لأن كل واحدمختلف عن التانى فى حجمه وقوة إحتماله ..

المهندس اللى بيصمم كوبرى بيحدد أقصى حمولة يقدر يستحملها الكوبرى ..

وبيعلق يافطة لتحذير الناس: "أقصى حمولة: كذا"

ولو الحمولة تجاوزت الحد ده .. الكوبرى هايتحطم فمن باب أولى ..

المهندس البارع اللى مصممك إنت .. عارف ومحدد أقصى حمولة تقدر تتحملها ومش بيسمح لحد ولا لحاجة

فوق طاقتك إنها تحطمك ..

لأنك صنعة إيديه .. وغالى جدا عليه تأديباً إدبنى الرب وإلى الموت لم يسلمنى" مز 118 :18
الحياة مع ربنا ممتعة ورائعة .. مش لأن مافيهاش عواصف
.. أبداً .. إوعى تصدق اللى يقول لك: "تعالى لربنا وحياتك هاتخلو من العواصف والضيقات"

ده الكتاب نفسه قال: "كثيرة هى بلايا الصديق" مز 34 :19..


لكن إوعى تخلى إبليس يحرمك من إنك تذوق حلاوةالهدوء والسلام فى وقت العاصفة ..

إوعى تخليه يخبيلك باقى الآية اللى بتقول: " ومن جميعها ينجيه الرب" ..

من جميعها مش من شوية منها .. مهما كانت صعوبة مشكلتك ..

بدل ماتقول: (يارب .. أنا عندى مشكلة كبيرة) .. قول: يامشكلة.. أنا عندى رب كبير .. قدير

.. "يستطيع كل شىء ولا يعسر عليه أمر" أي 42 :2 أصعب المشاكل قدام قدرته مالهاش قيمة خالص..

وأصغر الأمور فى حياتك قدام محبته ليها قيمة كبيرة جداً .. المهم إنك تصدق وتؤمن إن ربنا يقدر ..
لأن "بدون إيمان لايمكن إرضاؤه" عب 11 : زمان .. كنت زىالغالبية العظمى من الناس ..6

لكن كان فى جملة بالذات كنت كل ما أسمعها أسأل نفسى


ياترى مين يستاهل إنى أقول له: "اللى عيشته قبلماتشوفك عيني عمر ضايع يحسوبه إزاى علي؟؟"

لكن دلوقتى .. أنا عارف كويس جداً مين الشخص الوحيد اللى يستاهل إنى أقول له كده ..
مين اللى مقابلته هيه الحياة .. مين اللى حبه لي حب حقيقى ..



هو الرب اللي يستاهل اقوله كده
الرجوع الى أعلى الصفحة اذهب الى الأسفل
coptic girl
المراقبه العامه
المراقبه العامه


التسجيل : 20/12/2009
المساهمات : 374
نقاط : 986

مُساهمةموضوع: رد: صوت يسوع ليك   2010-07-07, 12:48

يامشكلة.. أنا عندى رب كبير .. قدير
موضيعك كلها جميله خالص ياجيجى بالزات ده
تحفه بجد ربنا يعوضك بالخير ياسكره
:874:
الرجوع الى أعلى الصفحة اذهب الى الأسفل
gena jesus
عضو جديد
عضو جديد


التسجيل : 01/01/2010
المساهمات : 31
نقاط : 64

مُساهمةموضوع: رد: صوت يسوع ليك   2010-07-07, 13:58

ميرسى كتير لمرورك
صليلى كتير[i]
الرجوع الى أعلى الصفحة اذهب الى الأسفل
dona
المدير العام
المدير العام


التسجيل : 17/12/2009
المساهمات : 619
نقاط : 1547

مُساهمةموضوع: رد: صوت يسوع ليك   2010-07-08, 12:35

تسلم ايدك حبيبتى بجد

موضوع تحفه

ميرسى يا جوجو

:8u8:


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://om-alnor.own0.com
دمعة العدرا
مشرفه
مشرفه


التسجيل : 23/12/2009
المساهمات : 139
نقاط : 251

مُساهمةموضوع: رد: صوت يسوع ليك   2010-07-08, 22:52

ولاد ربنا مش متسابين ملطشة للظروف تعمل فيهم اللى على مزاجها .. لأ .. هيه مش سايبه ..

ربنا موجود واحنا ولاده وواثقين فيه انه معانا مش سيبنا ابدا

كلام جميل اوى اوى بجد ياجينا احينا كتير بنفتكر ان لما بتبقى فى مشكله او تجربه ربنا سمحلنا بيها ان ربنا مش بيحبنا او ازاى سابنا وبنقيس محبه ربنا لينا بالمواقف اللى ربنا بيعملها معانا لكن ربنا اكبر من كده بكتير اكبر من اننا نقيس محبته لينا بمواقف لاننا بنبقى متخيلين ان نجتنا فى الاشياء اللى هو بيدهالنا مش نجتنا فيه هو

ميرسى ياحببتى على الموضوع الجميل ده ربنا يباركك




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
صوت يسوع ليك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ام النـــــــــــــــــــــــــــــــــور :: .•:*¨`*:•. سـاحه الاعضــــــــــاء .•:*¨`*:•. :: ادبيات وشعر-
انتقل الى: